Category Archives: Litrato

Put to waste*

paseo gallery

paseo gallery
(c) Melvin Pollero

Ayokong magalit dahil hindi yun ang opposite ng pagmamahal. Hindi ko kailangan ng galit dahil kinukumbinse ko ang sarili kong di na kita mahal. Napakabigat ng galit. There’s too much on my plate, script-like kong linyahan, and I’m afraid of my breaking point.

But you gave this to me. I accept risks. Kapag sinasabi natin sa sarili na hindi na tayo galit, wala ni isa ang marunong sumunod!

Kwento ng isang magiging deborsyada kong kaibigan, baka daw di nya mapigilang makipagbalikan after few weeks. “Baka patawarin ko rin naman sya para sa bata.” Halos di pa gumugulong ang kaso, nahihilo na siya kakaisip sa getting back together?

Nagsayang ako. Maraming taon. Matanda na ang mundo, mamamatay tayong lahat. Nakakagalit magsayang ng oras. At may mga nagmamahal dahil sa galit, nagagalit dahil sa pag-ibig.

May kuntil kang ipinakita sa akin dati, masyadong exposed. Nasasagi ng mga tao, nabubunggo sa pinto. Delikado. Hindi na dapat pagtalunan dahil wala namang dapat pag-usapan pa para ipaalis mo yun habang di pa nadidisgrasya ng pagkakataon. Kapag nandiyan na ang aksidente, palagi na lang “sana noon ko pa ginawa.”

Wag mo kong makau-kausap, gago ka. Siguradong pagsisisihan ko.

 

*from Bullet Dumas

Advertisements