layuan mo muna si Bukowski

kelan lang pinayuhan ako
ng isang kaibigan, “layuan
mo muna si bukowski, iwas-iwas
sa negative
energy”

napansin ko,
twing nagsasara ako
ng natapos na libro,
parang putik,
tumitining sa pinakailalim
ng lahat kong alalahanin
ang kaluluwa
ng katatapos lang mabasa.
natitipon at bumubukod
sa tubig, mas lumilinaw
ang lahat, at naiiwan itong
kitang-kitang nalalaglag.

putik ang kaluluwa
ng libro, nagmumulto
sakin kapag nasa fx,
o natutulala sa kalye,
bago matulog, habang tumatae.

ganito ako
magbasa.
kaya sabi ko, oo
iiwas ako kay bukowski.
maghuhunos ako ng angas,
maghahawi ng ulap-ulan,
magsusuklay ng kaba,
magtitigil sa yosi,
gv lang ng gv,
magjojogging sa umaga,
bawal nega,
mas dadalasan
ang pagngiti
mas magmukmukhang
masaya
lalo na sa trabaho.

pero wala rin,
huli na
ang
lahat,
nakalabit na ang gatilyo.
umapaw na ang puswelo.
katatapos ko lang ng factotum.
nagsasalin na ulit ako
ng pailan-ilan nyang berso:
balik sa lungga,
balik sa toma,
balik sa pag-alog
sa utak na maputik,
sa utak na malupa.

bukowski lives.

(larawan galing dito.)

Advertisements

About Pol

https://northfort.wordpress.com/ View all posts by Pol

2 responses to “layuan mo muna si Bukowski

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: