Internal bleeding

Pol — Thu, 23 Feb 2012 17:34:29 +0000

Kahapon ako biglang nabundol ng ideya habang nanonood ako ng isang dula. Ang eksena ay sweet nothings, bigla akong nagzone out. Bumalik ako sa mga eksena ng mga kwentuhan at mga biglaang bitaw ng mga tao ng linyang “Oo, gustong gusto ko siya.” Those proud admirers, manliligaw na hangal, k. Naghallucinate din yata ako kasi parang may narinig ko talagang may nagsabi nun sa loob ng teatro. At ako ay napa-”Syet, di yata ako marunong magmahal.” Eksena ng lambingan, sa totoong buhay may matatapang na gumagamit ng salitang pag-ibig, at ako, syet, ano nga bang alam ko? Ano bang nagawa ko? Anong pinaggagagawa ko?

Iniisip ko lahat to habang kinakalkal ang facebook mo — sinisilip kung sino ka nga ba sa mga nabubuksang siwang ng likes, comments at fb status mo. Actually, gusto kong malalim lagi ang katahimikan kapag tayong dalawa lang, at gusto kong naiilang ako tuwing papasok sa iyong 1 meter diameter radius dahil akala ko hindi ako naiilang.

Ikaw at ang ideya, pantasya?, tungkol sa iyo ang totoong bumundol sa akin kahapon. Ang dami kong sugat, dumudugo pa rin ako, internal bleeding, ng tungkol sa iyo hanggang ngayon.

Filed under: Journal

North Fort

Internal bleeding